Koop vandag jou goedkoper skoukaartjies
Skougangers kan weer vanjaar hul goedkoper skoukaartjies regoor Randfontein, Westonaria en Krugersdorp aankoop.
Die Randfontein Skou is net om die draai en skouganers kan weer vanjaar hul goedkoper toegangskaartjies regoor Randfontein, Westonaria en Krugersdorp aankoop.
Die goedkoper skoukaartjies beloop R50 per kaartjie en is beskikbaar tot 25 Februarie.
“Skougangers kan vanaf R10 tot R30 bespaar,” sê Skoukoorindineerder, Marcelle Mans.
“Daar is so baie om te sien en te doen dat mense meer as een keer die skou wil besoek en met die goedkoper kaartjies is dit vir almal moontlik.”
Nuwe hoogtepunte sluit in ‘n skaatsbaan, klimmuur, ope boerboel skou, 4×4 en buitelewe ekspo, familie biduur, portugese kos en vermaak, hengel-en boogskiet kompetisies en nog vele ander nuwe en interesante dinge.
Vanjaar sal daar weer van Suid-Afrika se top kunstenaars soos Pieter Koen, Adam, Mwah en Ricus Nel van die Jukebox Roadshow, Andriette, Bok van Blerk, Bobby van Jaarsveld, Kurt Darren, Bongi, Gerhard Steyn, Liza Bronner, Candy, Thys die Bosveldklong, Blackie Swart, Anton Botha, Tanya V en Dewald Wasserfall by die skou optree.
“Waar anders kan ‘n mens soveel waarde vir geld en vermaak kry vir net R50?
“So kry jou kaartjies by een van die meer as 30 verkoopspunte,” vertel Marcelle.
Die verkoopspunte in Randfontein is AGS Randgate, Aida Randfontein, All Out Pest Control, Bietjie Biltong / Bietjie Sushi, BOZ Security, Entin Estates, Etisa College, Vriendskapstuiste, Hoërskool Jan Viljoen, Hoërskool Riebeeckrand, Maverick School Clothing, Metodiste Kerk, Mzolini Soccer Academy, NG Kerk Randfontein Noord, Palm Eiendomme, Quality Treats, Randfontein Herald Kantoor, Randfontein Skryfbehoeftes, Randgate Spar, Remax Eiendomme, Robinson Hospitaal Koffie Winkel, Skou Kantore, Sionspoort Hervormde Kerk, Supa Quick, Total Garage, Randgate, Transwide Cellular, Westgold Primary School en West Rand Bolt and Tool.
Diegene wat hul kaartjies in Krugerdorp wil aankoop kan hul kaartjies by Exclusive Brokers, Laerskool Protearif en Skin Science aankoop.
Westonaria inwoners kan hul kaartjies by Boz Security bekom.
