FOTO’S: Kersfeesbederf vir Just in Time
Reinette Herbst, Mrs Africa 2019 het hande gevat met Westpack Lifestyle en ‘n onvergeetlike Kersfeespartytjie vir Just In Time Baby Sanctuary gereël.
Kersfees is ‘n tyd vir familie, dankbaarheid en feesvieringe, maar in ‘n huis met nege kinders is dit nie altyd moontlik nie.
Reinette Herbst, Mrs Africa 2019, het hande gevat met Westpack Lifestyle en ‘n onvergeetlike Kersfeespartytjie vir Just In Time Baby Sanctuary gereël.
Georgina Caetano, stigter van die organisasie, het tans nege kinders in haar sorg en sy probeer hard om vir hulle die beste moontlik ervaring te gee.
“Dis nie altyd moontlik vir sulke groot gesinne om ‘n tradisionele Kersfees te hê nie. Hulle kan nie vir almal geskenke koop en op die spesiale dag almal aan die tafel laat aansit vir ete nie, maar vandag kon hulle Kersfees behoorlik vier,” het Reinette gesê.
Die partytjie het by Fabulously Farmish op 11 Desember plaasgevind. Die kinders is bederf met geskenke en lekkergoed, en sommiges het vir die eerste keer ponies, beeste en skape sien.
“Mad Media Group het vir ons klank verskaf sodat ons Kersfeesliedjies vir die kinders kon speel. Ek is so dankbaar vir elkeen wat ‘n bydra gelewer het om hierdie kinders die Kersfees te gee wat hulle verdien.”
Do you perhaps have more information pertaining to this story? Email us at randfonteinherald@caxton.co.za (please remember to include your contact details in the email) or phone us on 011 693 3671.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
