Kersfeesgeskenke vir jonk en oud
Die Indigo Christmas Shoebox-projek het op 13 Desember vir baie dankbare harte gesorg.
Die gemeenskap het hul harte vir die minderbevoorregte kinders en bejaardes van R’fontein oopgemaak.
Die Indigo Helping Hand Foundation-tak in Randfontein het op 13 Desember 30 geskenk- en lekkergoedpakkies met behulp van Kersvader uitgedeel. Die pakkies is deur lede van die gemeenskap geskenk.
“Ons het vir die skenker die naam en ouderdom van die persoon gegee en hulle kon die boks volmaak soos hulle goeddink. Ek dink baie van die ontvangers het ‘n groot verrassing gekry,” het Demi van Wyk, die administrasieklerk gesê.
Annemarie Brink, die stigter, asook Kylie Erasmus (Junior Mej Randfontein) en Juanita Venter van Petite Chef Kookskool het saam met Kersvader, gespeel deur 44-jarige Pieter Viviers, die geskenke uitgedeel.
“Ek wil spesiaal dankie sê vir Elmari Nolte van Oxygen Models, Jan van Wyk van Tramtrade, Hannes Dreyer en Januz Boryna van M3 Supplies, Caroline van der Westhuizen en Joanne Fadder, Gerhard Mulder en Chané Krause van die Café Beauté. Dankie vir elkeen wat ‘n bydra gemaak het. Ons kon dit nie sonder julle gedoen het nie. Julle is sowaar engele,” het Demi gesê.
Elke kind en bejaarde het breed geglimlag oor hul geskenke – vir baie van hulle was dit die enigste Kersgeskenk wat hul vanjaar sal kry.
Do you perhaps have more information pertaining to this story? Email us at randfonteinherald@caxton.co.za (please remember to include your contact details in the email) or phone us on 011 693 3671.
For free daily local news on the West Rand, also visit our sister newspaper websites
Remember to visit our Facebook, Twitter and Instagram pages to let your voice be heard!
