Ringbalklub hou pretdag as fondsinsameling

Die Greenhills Ringbalklub het op Saterdag, 11 Januarie ‘n fondsinsameling by die Randfontein Rolbalklub aangebied.

Volgens Neels van Aswegen, voorsitter van die Ringbalklub, was dit ‘n geleentheid vir die ringballede om te ontspan en terselfdertyd geld in te samel.

“Die fondse gaan onder andere gebruik word om ons fasiliteite op te knap. Ons moet veral ons bane en ligte opgradeer sodat dit reg is vir die nuwe seisoen,” het Neels gesê.

Hy het vertel dat die 2010-seisoen reeds aan die gang is en dat oefeninge op Dinsdae en Donderdae tussen 7nm en 9nm plaasvind.