Leerlinge betuig medelye

Leerlinge en onderwysers van Laerskool Standerton het vandag hulle medelye met Divan Joubert (gr.1) betuig wat gister oorlede is.

Blomme is by die skool se herdenkingsmuur geplaas waar kerse ook gebrand het.

Divan het gister by die skool inmekaar gesak en ’n gr. 7-leerling het Divan opgehelp, maar hy het dadelik daarna inmekaargesak.

’n Dokter, wat langs die skool bly, se hulp is onmiddellik ingeroep en hy het Divan dood verklaar.

Volgens ’n werkskollega van Divan se pa het hulle mnr. Leon Joubert se verjaarsdag by die werk gevier toe hy die nuus van sy seun ontvang het.

Volgens ’n persverklaring van Laerskool Standerton sal ’n nadoodse ondersoek gedoen word om die oorsaak van sy dood te bepaal.

Lees die eerste berig hier: Seun by laerskool oorlede