Standerton wil vuurgeteisterde gebied bystaan

Me. Amanda Le Roux wat deel maak van die Predikante-Forum, Standerton vir Jesus, vertrek more oggend, 9 Junie om 3vm na Plettenbergbaai.

June 8, 2017

Alida Lake 1 minute read

Foto verskaf deur me. Yolandé Stander, Knysna-Plett Herald (Caxton). ’n Vuur wat woed in Plettenbergbaai.

Die Predikante-Forum op Standerton wil die gemeenskap vra om hande te neem om noodware te skenk wat na die geteisterde Knysna- en Plettenbergbaai-gebied geneem gaan word.

Me. Amanda le Roux wat deel maak van die forum, Standerton vir Jesus, sal môreoggend, 9 Junie om 3vm na Plettenbergbaai vertrek.

Hul gaan in samewerking met die Rampverligtingbestuur van Plettenbergbaai werk, asook traumaberading aan dié mense by die Afrika-Kerk saam met past. Stehan Wentz, bied.

Volgens ’n joernalis me. Yolandé Stander van die Knysna-Plett Herald, susterskoerant, op die toneel ontruim die mense van die Whale Rock en Longship-gebied in Plettenbergbaai ook nou hulle huise weens die verswelgende vuur wat dié gebied teister.

Die video van Knysna wat deur die nag gebrand het.

Video deur mnr. Wessel van Heerden (Group Editors)