Estelle Swart samel handsakke gevul met toiletware vir verkragtingslagoffers in
Ondersteun vrou se handsakke-projek.
Me. Estelle Swart se nuutste projek is om toiletware en handsakke vir slagoffers van verkragting in te samel en uit te deel.
Sy woon sedert 1982 op Evander en het eers by die munisipaliteit as kassiere gewerk totdat sy haar dogter verwag het en toe vir ’n rukkie ’n tuisblyma was.
Sy het haar later oor kankerpasiënte ontferm nadat haar pa daaraan dood is.
Haar dogter, me. Adré Swart, het later die Gosh4Cancer-organisasie gestig en ma en dogter het geld ingesamel om kankerpasiënte te help en hulle ook emosioneel en fisies bygestaan.
Dié organisasie bestaan nie meer vandag nie, maar me. Swart spits haar nou toe op slagoffers van verkragting.
Me. Swart is self verlede jaar met kanker in albei haar niere gediagnoseer en haar regterkantste nier is heeltemal verwyder, terwyl daar net ’n stukkie van haar linkerkantste nier oor is.
Dit kry haar egter nie onder nie en met ’n stukkie van een nier het sy meer nierfunksie as sommige mense wat twee niere het.
Vir meer inligting of om betrokke te raak by me. Swart se projekte, skakel haar by 083 652 7727.
Lees ook die volledige berig in die Ridge Times.
Vir meer nuus besoek gerus ons ander webblaaie. Standerton Advertiser & Highvelder
“Like”’ ons op Facebook en volg ons op Twitter en Instagram.
