Hoërskool Secunda wen interhoër

Hoërskool Secunda het behoorlik uitgeblink en die interhoër atletiekbyeenkoms wat op Saterdag, 19 Februarie by Hoërskool Hoogenhout plaasgevind het, gewen.

Secunda het die beste seuns- en dogtersspan se trofees gewen, asook vele ander trofees.

Matsidiso Makgato was Hoërskool Secunda se top-atleet en het trofees gewen vir die junior victrix ludorum, die beste junior naellope-dogter, die beste junior spronge-dogter en die beste junior hekkiesdogter.

Hoërskool Secunda se ander atlete wat presteer het, is Aphiwe Shabangu (beste junior naellope-seun), Siyanda Mkhonza (senior victor ludorum en beste senior naellope-seun), Wegé Viljoen (beste junior middel- en langafstandseun), Lu-Mari du Plessis (beste junior middel- en langafstanddogter), Sharona Klein (beste senior middel- en langafstanddogter), Siyanda Mhlana (junior victor ludorum en beste junior spronge-seun), Tumelo Molepo (beste senior spronge-seun), Saskia Smith (beste junior worpe-dogter) en Tatijana Kruger (beste senior worpe-dogter).

Die ander skole wat deelgeneem het, is Hoërskool Generaal Hertzog, Hoërskool Standerton, Hoërskool Pionier, Hoërskool Kanonkop, Hoërskool Volksrust, Hoërskool Piet Retief en Hoërskool Hoogenhout.