Sopkombuis op Standerton het nuwe sjef

Kasselman Veiligheidsdienste se sopkombuis op Donderdae het nou ’n nuwe sjef.

Amanda Phyffer is geen groentjie as dit by kosvoorbereiding kom nie.

Sy het vir sowat vier jaar in die kombuis van ’n hotel op Welkom met ontbyt, middagete en aandete reggestaan.

“Ek is in die diepkant ingegooi en moes leer,’ het Amanda gesê.

Die grootste getal mense wat sy voor moes regstaan, was 85.

KVD se sopkombuis is ’n vulletjie.

Na die dood van haar man, Lourens in 2019, het haar seun, Nicky in die huwelik getree en is sy ’n trotse ouma van drie kleinkinders.

“Ek wil mense help en in die gemeenskap betrokke raak,” het sy mee afgesluit.

Altesaam 285 mense in nood is verlede Donderdag van kos bedien.