Standerton Robalklub bied geborgde rolbaldag aan
Klub se bestuur bedank Standerton SuperSpar vir hul ondersteuning.
Standerton Rolbalklub het op Saterdag, 22 Oktober die SuperSpar geborgde rolbaldag aangebied. Die dag is deur Sasol Secunda gewen.
Lappies Labuschagne is die kaptein van dié span en 14 spanne het aan dié dag deelgeneem.
Die bestuur van Standerton Rolbalklub het Standerton SuperSpar vir hul volhoubare ondersteuning bedank en dat hulle die rolbalspelers van Mpumalanga-Wes die geleentheid gebied het om aan dié dag deel te neem en mee te ding vir die wisseltrofee en ander pryse.
Bernice Momberg van Standerton SuperSpar het die trofee aan Desmond Visser, die rolbalklub se president oorhandig.
Colin Munro, een van Standerton Rolbalklub se spelers, het ’n pet ontvang as deel van sy lidmaatskap in die Mpumalanga Rolbalspan.
LEES OOK: Kaalspruit VLU-vrou trek vreemd aan
