24 spelers sê mekaar die stryd aan by Standerton Buiteklub

Carus Janse van Rensburg het op 24 Februarie die voortou in ’n IPS-kompetisie geneem met ’n puntetelling van 41.

Altesaam 24 spelers het by die Standerton Buiteklub meegeding.

Werndley Eksteen het met 40 geëindig, terwyl Nelis Eksteen 39 en Ronald Kinnear 38 aangeteken het.

Hennie Swanepoel het 37 op die telkaart ingevul, gevolg deur Kobie Coetzee se 36.

Louis Bibbey, Gerrit Nel en Mark Vienings het met 34 huiswaarts gekeer. Stephen Nortjé het 33 aangeteken.

Van Rensburg, Bibbey en Rowan Brink het elk ’n twee behaal.