Gerrit Coetzee as kampioen aangewys by Standerton Buiteklub

Gerrit Coetzee is die nuwe klubkampioen. Tydens strawwe mededinging op 16 Maart by die Standerton Buiteklub het Casper Roux die B-afdeling gewen en Pirow Cronjé die C-afdeling.

Patrizia Lombard het die vroue-afdeling gewen en Ronel Starbuck was die vroue wenner in die C-afdeling.

Werner Mouton het op 13 Maart skoonskip gemaak en met ’n puntetelling van 18 oor nege putjies geëindig.

Neville Ritchie het in dié IPS-kompetisie by die Standerton Buiteklub dit geëwenaar, terwyl Gerrit Nel en Attie Mouton albei 16 aangeteken het.

Nick Momberg het op 12 te staan gekom. Ritchie het ’n twee behaal.

Johan Brink het oor 18 putjies geseëvier met 43, terwyl Kobie Coetzee, Ronald Kinnear en Herman Mynhardt elk 38 op die telkaart ingevul het. Werndley Eksteen het 37 aangeteken en Jacques Erasmus 35.

Francois Cronjé, Gerrit Coetzee en Nico Lombard het elk op 34 te staan gekom, terwyl Louis Gravett met 33 huiswaarts gekeer het. Johan Brink, Gerrit Coetzee en Damian Brink het elk ’n twee behaal.

Drikus Degenaar het op 9 Maart die pas aangegee en met ’n puntetelling van 41 huiswaarts gekeer.
Altesaam 21 spelers het aan dié IPS-kompetisie deelgeneem.

Nelis Eksteen het op 40 te staan gekom, gevolg deur RJ Kinnear en Jannie Nichols wat albei 38 aangeteken het.
Fanie Botha het met 36 geëindig, terwyl Deon Grimsell 35 op die telkaart ingevul het.

Bertus Nel, PJ Venter en Leon Myburg het 34 aangeteken, gevolg deur Patrizia Lombard met 33. Nichols, Gerrit Coetzee, Gravett, Nico Lombard (2) en Wessel van der Merwe het ’n twee behaal.

Patrizia Lombard en Aldo Arnaldi het die vorige dag by die Sundowner meegeding, met Lombard wat met ’n netto van 34 geëindig het en Arnaldi met 38.

Arnaldi het ’n twee behaal.