Jong SANESA-ruiter van Witpoort, Henco Pretorius, maak gereed vir die Fauresmith-uithourit in Julie

’n Jong ruiter, Henco Pretorius, het saam met sy perd, Cindy, aan ’n 80km-uithourit deelgeneem.

Henco, ’n Graad Vyf SANESA-ruiter, het dié rit voltooi. Dié twee het gekwalifiseer om aan die uitdagende Fauresmith-uithourit deel te neem.

Dié uithourit word beskou as een van die mees uitdagende perdewedrenne ter wêreld. Dit is ’n driedag-, 201 tot 206km-rit wat jaarliks gedurende Julie in die Vrystaatse dorp Fauresmith plaasvind.

Die rit, aangebied deur die Uithouritvereniging van Suid-Afrika (ERASA), verg uithouvermoë en toewyding van die ruiter en die perd.

Henco is ’n leerder by Laerskool Witpoort, en sy skool se hoof, Hennie Griessel, en personeel het hom gelukgewens.

“Ons is trots op jou – sterkte vir die groot avontuur wat voorlê.”