Fietsryers ding mee op nuwe bergfietsbaan in Secunda

Jong fietsryers het op 26 Julie by Secunda se eerste bergfietsbaan by Lake Umuzi teen mekaar kragte gemeet. Dié baan is nog nie voltooi nie, maar fietsryers kon reeds ’n gedeelte daarvan gebruik. Tydelike strukture is opgerig wat hulle in staat stel om oor mure te ry.

Marnus van der Merwe, een van die organiseerders van die TWK Bergfietswedren, het gesê dat Crank and Curve beoog om dié baan teen November heeltemal te voltooi.

Van der Merwe het gesê dat hulle met dié nuwe baan ’n ruimte wil skep waar kinders in ’n veilige omgewing bergfietsry kan beleef. Hulle wil ook uitdagings bied vir ouer en meer gevorderde fietsryers.

Verskeie skole het aan die TWK Bergfietswedren deelgeneem. Hoërskool Secunda het Saterdag se wedren gewen, gevolg deur Hoërskool Nelspruit in tweede plek, Hoërskool Lydenburg in derde, Hoërskool Piet Retief in vierde en Ligbron in vyfde.

Brand du Plessis van Hoërskool Secunda het die sub-junior o14-seuns-afdeling gewen. Kevin Filter en Morné van Niekerk, beide van Hoërskool Piet Retief, was onderskeidelik tweede en derde.

In die sub-junior o14-dogters-afdeling het Anri Binneman van Hoërskool Secunda eerste geëindig. Ané Wagner van Hoërskool Piet Retief was tweede en Kylie Briedenhann van Hoërskool Lydenburg derde.

In die jong seuns o15-afdeling, was dit Zander Ferreira van Hoërskool Secunda wat eerste oor die wenstreep gejaag het, terwyl Ruen Krugel van Ligbron tweede geëindig het en Paulus Coetzee van Uplands College derde.

In dieselfde afdeling onder die dogters, was dit Maya de Vries van Curro Nelspruit wat eerste oor die wenstreep gejaag het terwyl Carli Venter van Hoërskool Secunda tweede geëindig het en Miandi Pretorius van Home School Hoërskool derde.

Matthew Warburg van Ligbron was die eerste fietsryer in die jong seuns o16-afdeling terwyl Henro Fourie van Hoërskool Secunda tweede geëindig het en Anro Bekker van Hoërskool Nelspruit derde.

Onder die dogters in dieselfde afdeling, was dit Jemma Barnard van Hoërskool Nelspruit wat gewen het terwyl Isabel Engelbrecht van Ligbron tweede geëindig het en Imke Knipschild van Hoërskool Nelspruit derde.

Gerson du Plessis van Hoërskool Secunda het die jong seuns o17-afdeling gewen terwyl Janco van Staden van Hoërskool Nelspruit tweede geëindig het en Jordan Jacobs van Hoërskool Secunda derde.

Lu-Mari du Plessis van Hoërskool Secunda was die wenner onder die dogters in dieselfde afdeling terwyl Jana Kotze van Hoërskool Nelspruit tweede geëindig het en Kyla Oosthuizen van Hoërskool Piet Retief derde.

In die o18-seuns-afdeling het Samuel McIntosh van Uplands College die vinnigste gery en gewen. Seth Watts van Hoërskool Lydenburg was tweede en Charl Wilhelm Maré van Hoërskool Nelspruit derde.

By die o18-dogters het Megan Botha van Hoërskool Nelspruit gewen, gevolg deur Mia Putter van Curro Nelspruit in tweede plek en Mikyla Herbst, ook van Hoërskool Nelspruit, in derde.