Delmas Rolbalklub verkies nuwe komitee

Die lede van die Delmas Rolbalklub het op 2 Augustus hul algemene jaarvergadering gehou, waartydens ’n nuwe komitee aangewys is om die klub vir die volgende termyn te lei.

Hanri Ehlers is as president herverkies, met Michael Snyman wat as vise-president sal dien. Karin van Rensburg neem die rol van sekretaresse aan, terwyl Susan Uys na die finansies sal omsien as tesourier.

Hendrik Smit sal verantwoordelik wees vir die perk en terrein, Donovan Greyling is verkies as kompetisiesekretaris, en Reinhardt du Plessis is aangewys as die spelerverteenwoordiger.