Oud-skoolhoof hervat stryd teen slaggate op Eloff

Gewapen met teer soos verskaf deur AfriForum se Delmas-tak het die twee manne op Dinsdag, 10 Januarie slaggate op Eloff gevul.

January 16, 2023

Thia Botha 1 minute read

Joseph Nkosa weer op sy pos besig om slaggate op Eloff te vul.

Die nuwe jaar het skaars kop uitgesteek of André Gildenhuys is weer op sy pos in die strate van Eloff.

Lank nie meer as skoolhoof nie, maar nou alom bekend as stryder teen slaggate, het Gildenhuys en sy getroue regterhand, Joseph Nkosa, weer begin met die enorme taak.

Gewapen met teer soos verskaf deur AfriForum se Delmas-tak het die twee manne op Dinsdag, 10 Januarie slaggate op Eloff gevul.

“As AfriForum wil ons vir André en Joseph dankie sê vir hulle toewyding en die goeie voorbeeld wat hulle vir ander lede van ons gemeenskap stel. Ons het meer soos julle nodig,” het Carel Botha, voorsitter van AfriForum op Delmas laat hoor.