Delmas se Phoenix Rugbyklub klop Katlehong

Phoenix Rugbyklub van Delmas het die naweek vir Katlehong met 26 punte geklop. Die Katlehong Tigers Rugbyklub kon nie daarin slaag om enige punte op die telbord te plaas nie.

Volgens Phoenix se afrigter, Jandré Senekal was dit ’n harde, maar goeie wedstryd gewees.

Senekal het verder genoem die wedstryd het eers teen 16:30 afgeskop want die skeidsregter het nie opgedaag nie.

“Ons moes inderhaas skarrel om ’n blaser te kry.”

Die eerste helfte van die wedstryd het toe slegs 25 minute geduur en die tweede helfte 20 minute.

Dit was egter nog ’n weghol-oorwinning wat die span van Delmas in hul sak kon steek.

Die volgende wedstryd vir die span van Phoenix sal op 24 Junie tuis plaasvind wanneer hulle teen die span van Heidelberg te staan kom.

Follow Us: Ridge Times: Standerton: Streeknuus