Standerton Rolbalklub se besigheidsliga op dreef

’n Gesellige atmosfeer het op 7 September geheers toe spelers op ’n vol baan meegeding het.

September 14, 2023

Marina Schoombee 1 minute read

Elmarie Botha van die Van Heerden en Schoeman-span in aksie op 7 September.

Standerton Rolbalklub se besigheidsliga is in volle swang. Altesaam 14 spanne het ingeskryf vir dié liga en bystand word deur die De Bruto-span verleen.

’n Gesellige atmosfeer het op 7 September geheers toe spelers op ’n vol baan meegeding het. Die innerlike is ook versterk met Annatjie de Bruto wat kerrie-en-rys saamgebring het.

Gerrit Coetzee het droogweg opgemerk dat gholf makliker is.

Die uitslae is tans:

3 Jacks & a Jill is in die eerste plek met 4 punte, gevolg deur Midas, ook met 4 punte.

Die punteverskil by eersgenoemde is 16 en by laasgenoemde 13.

Nel, Prenzler en Moolman 2 is in die derde plek, met 4 punte en ’n punteverskil van 12.

Lilia’ J is vierde met 2 punte en ’n punteverskil van 16.