Gholfspelers gee mekaar opdraande in kompetisies by Standerton Buiteklub
Herman Mynhardt het oor 18 putjies met 38 punte geseëvier, met Gerrit Coetzee en Ronald Kinnear wat albei ook 38 aangeteken het.
Donnie Taljaard was onoorwonne op 13 September met 20 punte tydens die nege-putjie kragmeting by die Standerton Buiteklub.
Gerrit Nel het met 17 geëindig, terwyl Nick Momberg 16 aangeteken het en Neville Ritchie 14.Freddie Welmans het 13 op die telkaart ingevul en Harry Nel 7.
Herman Mynhardt het oor 18 putjies met 38 punte geseëvier, met Gerrit Coetzee en Ronald Kinnear wat albei ook 38 aangeteken het. Nico Lombard en Louis Gravett het op 36 te staan gekom, gevolg deur Louis Bibbey en Joré Nortjé wat albei 34 op die telkaart ingevul het.
Stephen Nortjé en Damian Brink het albei 33 aangeteken, met Gert du Preez op 30 en Patrizia Lombard op 29.
Coetzee en Stephen Nortjé het beide ’n twee behaal.
Momberg het op 9 September die voortou geneem en met 34 punte geseëvier. Francois Cronjé het in dié IPS-kompetisie tweede met 33 geëindig, wat geëwenaar is deur Vivian Seager.
Patrizia Lombard het 31 aangeteken, terwyl Deon Grimsell 30 op die telkaart ingevul het en Aldo Arnaldi 27.
Cronjé het ’n twee behaal.
