Twee wat met renosterhoring duimgooi, op Delmas gevonnis
Twee mans is met trokstraf gevonnis nadat hulle twee jaar gelede in besit van ’n renosterhoring op die N12 by die R50 Bapsfonteinafrit in hegtenis geneem is. Elliot Clifford Mashego (57) en Rogerio Domingos Moiane (53) is op 24 Oktober in die Delmas Landdroshof beide tot agt jaar tronkstraf gevonnis, waarvan die vonnis vir elkeen
Twee mans is met trokstraf gevonnis nadat hulle twee jaar gelede in besit van ’n renosterhoring op die N12 by die R50 Bapsfonteinafrit in hegtenis geneem is.
Elliot Clifford Mashego (57) en Rogerio Domingos Moiane (53) is op 24 Oktober in die Delmas Landdroshof beide tot agt jaar tronkstraf gevonnis, waarvan die vonnis vir elkeen vir vyf jaar opgeskort is met die voorwaarde dat hulle hulself nie weer tydens die opgeskorte tydperk aan ’n soortgelyke misdaad skuldig maak nie.
Beide is ook onbevoeg verklaar om ’n vuurwapen te besit. Hulle moet ook ’n bedrag van R100 000 aan Rhino Connect betaal.
Rhino Connect is ’n nie-winsgewende organisasie wat hulle sedert 2016 daarop toespits om die renosterbevolking te bewaar en spesifiek na wees- en beseerde renosters om te sien.
Beide Mashego en Moiane was vir twee jaar verhoorafwagtend nadat hulle op 14 Oktober 2021 aan die N12 hoofweg in hegtenis geneem is. (Streeknuus, 22 Oktober 2021).
Lede van Delmas SAPS het omstreeks 13:15 op dié dag roetine patrollies op die N12 uitgevoer toe hulle twee mans wat duimgegooi het, gewaar het.
Die mans het ’n groot plastiese houer gedra, wat vir die SAPS-lede verdag voorgekom het. Die Delmas polisielede het by die twee duimgooiers gestop en begin om hulle te deursoek.
Groot was hul verbasing toe hulle binne plastiese houer, versteek onder klere, in ’n swartsak en toegedraai in maskeerband, ’n renosterhoring vind.
Die twee mans was in hegtenis geneem vir verdere ondervraging. Borgtog was geweier en die twee duimgooiers het in hegtenis gebly tot en met hul vonnis uitspraak.
