Pom-poms sorg vir groot vermaak by Delmas Makietiefees

Skole wat aan die kleurvolle en vrolike skouspel deelgeneem het, was Heidi Kleuterskool, Rakkers, Suikerbekkies, Dalimfundo, Laerskool Eloff, Laerskool Delmas asook Hoërskool Delmas.

November 13, 2023

Thia Botha Less than a minute

Dalimfundo Day Care Centre van Botleng se jongklomp vermaak makietie feesgangers met ritmiese danse.

Delmas-omgewing se skole, dagsorgsentrums en kleuterskole se rasieleiers (pom-poms) het op 4 November tydens die Delmas Makietie vir opwinding onder ouers en besoekers gesorg.

Skole wat aan dié kleurvolle en vrolike skouspel deelgeneem het, was Heidi Kleuterskool, Rakkers Kleuterskool, Suikerbekkie Kleuterskool, Botleng se Dalimfundo Day Care Centre, Laerskool Eloff, Laerskool Delmas en Hoërskool Delmas.

Met kykNET kameraspan op die kleingoed gefokus, het daar plek-plek ’n traantjie gevloei, maar met die aanmoediging en vertroosting van ouers en onderwysers het die sterretjies sommer gou ontpop.

Na afloop van die opvoering het ogies trots geblink, want elke deelnemer was met ’n medalje vereer, uitgedeel deur kykNET se sepiesterre.