Edelvalk-tak op Standerton oorhandig trofees aan skuts wat presteer
Carla Lues is as beste vroueskut aangewys en Jako Steenkamp as beste mansskut.
Die Edelvalk-tak van die Suid-Afrikaanse Jagters- en Wildbewaringsvereniging het onlangs hul prysuitdeling by hul afskeidsfunksie gehou.
Skuts is in verskillende afdelings vereer.
• Corrie Visagie het Mpumalanga-kleure vir Limited Bolt Action verwerf en ’n groen baadjie ontvang vir die nasionale Limited Bolt Action.
• Anel Wessels het by windbuksskiet se penkopliga ’n trofee in ontvangs geneem, Pierre van der Merwe in die juniorliga en Stoffel Bester in die seniorliga.
• Xander Bailey is by trofeejag as beste junior aangewys en JF Griesel as beste senior en het beste boogjagtrofee ontvang.
• Bailey is ook as veelsydigste skut aangewys.
• Carla Lues is as beste vroueskut aangewys en Jako Steenkamp as beste mansskut.
• Edelvalk se Swartwildebeeste het op nasionale vlak negende geëindig en die Ribbokke 26ste.
