Jong dansers vermaak tydens jaareindfunksie op Sundra

Twee junior lede van die Sundra Bulldogs Buurtwag het gaste behoorlik aan hul lippe gehad.

Tydens die Bulldogs se jaareindfunksie wat op 2 Desember in Sundra Laerskool se saal plaasgevind het, het die jonge Rikus Botha en Mia Lombard die dansvloer behoorlik aan die brand gedans.

Elk skaars ’n baksteen hoog het gewals en ‘ge-two step’ tot die groot vermaak van buurtwaglede en gaste wat die funksie bygewoon het.

Baie was dit eens dat die twee hartebrekers die groot sterre van die aand se verrigtinge was.