Bronkhorstspruit verloor ’n bekende leraar

Dominee Jan van Staden, die predikant van die Hervormede Kerk op Bronkhorstspruit, is op 7 Januarie oorlede.

Hy het 22 Desember sy 65ste verjaardag gevier, maar is die dag daarna met ’n bloeiende maagseer in die hospitaal opgeneem.

Van Staden se toestand het egter versleg. Hy het in die Raslouw Privaat Hospitaal in Centurion gesterf.
Hy laat sy ouers en broer agter.

Die begrafnis is op 13 Januarie om 11:00 vanuit die Hervormde Kerk in Bronkhorstspruit.