Standerton klop Bankenveld

Standerton Buiteklub het op 9 Junie vir die eerste keer vanjaar gasheer vir die mid-amateurliga gespeel.

Gholfspelers moet 30 jaar of ouer wees en ding mee volgens ’n 1- of 0-formaat.

Altesaam agt spelers in elke span wedywer en vir ’n wen word een punt aangeteken.

Standerton het Bankenveld A 6½ – 1 geklop en volgens kaptein, Tertius Brits het drie spelers uitgeblink wat die reuse-oorwinning moontlik gemaak het.

Dries van Vuuren, Gerrit Coetzee en Stephen Nortje het hulle teenstanders met 10 – 8 geklop.

Die volgende ligakompetisie sal op 30 Junie plaasvind.

Vir meer inligting, skakel die klub by 017 719 1123.

Lees die berig in die Standerton Advertiser.