Secunda-stoeiers verower medaljes op Middelburg

Belangstellendes kan Sasol Stoeiklub besoek.

August 1, 2018

Jana Oosthuizen 1 minute read

Die stoeiers wat aan die MSV-ouderdomskampioenskap op Saterdag, 21 Julie deelgeneem het. Voor is Brussöw Francke en in die eerste ry is Janlu Lourens, Du-Handré Putter, Benjamin Oosthuyzen en Christiaan Steyn. In die middel is Antoine Duvivier, Rick Robertson, Zak Manaia, Tiaan Carelse en Reagen Meyer. Agter is Tyrone Swanepoel, Hein Meyer, Jordan Webb, Nico van den Berg, Zara D’Abbadie en Sarah-Ann Francke.

SECUNDA – Nico van den Berg het verskeie goue medaljes ingeryg in die MSV-ouderomskampioenskap wat Saterdag, 21 Julie op Middelburg gehou is.

Hy het goue medaljes in die junior vrystyl-, die junior- en twee seniorafdelings losgestoei.

Die ander stoeiers van Sasol Stoeiklub wat goue medaljes gewen het, is Jordan Webb in die president skole vrystyl-, president skole- en die president juniorafdelings, Tiaan Carelse in die president skole vrystylafdeling en Zara D’Abbadie in die vroue vrystylafdeling.

Zak Manaia en Hein Meyer het silwermedaljes in die president skole vrystylafdeling verower en Rick Robertson ’n bronsmedalje in die president skole vrystylafdeling.

Die ander stoeiers wat medaljes vir deelname ontvang het, is Brussöw Francke, Janlu Lourens, Du-Handré Putter, Benjamin Oosthuyzen, Christiaan Steyn en Sarah-Ann Francke..

Sasol Stoeiklub oefen Maandae en Woensdae vanaf 6nm tot 8nm in die hoofsportsaal by die Sasol Ontspanningsklub.

Vir meer inligting, skakel me. Lollie van den Berg by 082 343 7800.

At Caxton, every story is written by humans. We use AI only to perform quality checks - never to generate the news. Happy reading!

August 1, 2018

Jana Oosthuizen 1 minute read