Nico van den Berg ryg goue medaljes in

SECUNDA – Nico van den Berg en Jordan Webb van Sasol Stoeiklub het Saterdag, 27 Oktober aan die Noord-Vaal President Stoeibyeenkoms in Pretoria deelgeneem en Van den Berg het al vier sy wedstryde gewen.

Van den Berg en Webb was deel van die Mpumalanga Stoeispan en die ander streke wat deelgeneem het, is Noord-Gauteng, Oos-Gauteng, Sentraal-Gauteng en Limpopo.

Elma Webb van Sasol Stoeiklub was die spanbestuurder en Lollie van den Berg het as adminbeampte opgetree by die byeenkoms.

Die voorsitter van Sasol Stoeiklub, mnr. Johan van den Berg, het gesê Sasol Stoeiklub het ‘n baie goeie jaar gehad en daar sal beslis gedurende die prysuitdeling later vanjaar, ‘n paar trofees na Sasol Stoeiklub gaan.