Secunda se ringbalklub nooi kinders om by ontwikkeling betrokke te raak
Die distrikbestuur het met ontwikkeling in dié sport begin ter voorbereiding vir die komende Nasionale Skole Ringbal-toernooi wat vanaf 22 tot 28 September by Camp Discovery buite Pretoria plaasvind
SECUNDA – Die Gert Sibande Skole Ringbaldistrik wil ringbal onder leerders ontwikkel en die kinders se vaardighede verbeter.
Kinders van skole in die Secunda en omliggende dorpe is welkom om Woensdagaand, 10 Julie om 6nm by Secunda Ringbalklub se bane byeen te kom.
Ouers is welkom om saam te oefen en om sodoende ook betrokke te raak.
Die distrikbestuur het met ontwikkeling in dié sport begin ter voorbereiding vir die komende Nasionale Skole Ringbal-toernooi wat vanaf 22 tot 28 September by Camp Discovery buite Pretoria plaasvind.
Dit is ’n week van pret en plesier waar meer as 90 spanne van verskillende distrikte gaan deelneem.
Alle kinders tussen die ouderdom van agt en 18 jaar kan deelneem.
Mnr Pottie Potgieter, voorsitter van die Gert Sibande Skoledistrik, raai deelnemers aan om gemaklike oefenklere en tekkies te dra.
“Bring ook warm goed saam.”
Die kinders gaan elke Woensdagaand vanaf 6nm oefen.
Vir meer inligting, skakel mnr. Potgieter by 082 573 9182.
