Standerton Krieketklub se besigheidsliga nader spannende einde
In die naweek se wedstryde sal Maximed teen Van Wyk Eiendomme om 11vm op Saterdag meeding en Green Stars teen Holmdene om 2nm.
Standerton Krieketklub se Besigheidsliga staan einde se kant toe en die eindstryd vind op Sondag, 18 Augustus, by die Piet van den Berg-ovaal plaas.
In die wedstryd op Saterdag, 3 Augustus, tussen Holmdene en Van Wyk Eiendomme het Holmdene eerste gekolf en 182 lopies in 20 beurte aangeteken.
Van Wyk Eiendomme het die telling verbygegaan met slegs twee balle oor en die wedstryd met twee paaltjies beklink.
In Sondag se wedstryd tussen Green Stars en Van Wyk Eiendomme, het Green Stars eerste gekolf en 264 in 20 beurte aangeteken.
Van Wyk Eiendomme kon slegs 137 lopies aanteken en Green Stars het met 127 lopies gewen.
Die wedstryd tussen Maximed en Blinders het nie plaasgevind nie.
Green Stars loop voor in die liga, gevolg deur Maximed, Van Wyk Eiendomme, Holmdene, Seriti, Standerton Elite Academy en Blinders.
Green Stars en Maximed het elk 20 punte.
In die naweek se wedstryde sal Maximed teen Van Wyk Eiendomme om 11vm op Saterdag meeding en Green Stars teen Holmdene om 2nm.
Die eindstryd sal op Sondag, 18 Augustus om 1nm plaasvind en beloof om aan alle verwagtinge te voldoen.
