Houtkappertak maak jong skuts betrokke
Leerders van Laerskole Standerton, Secunda, Trichardt, Goedehoop en Kruinpark en Hoërskool Secunda het deelgeneem.
Junior skuts het Saterdag, 24 Augustus op die Koos Kruger skietbaan hul korrel in die kol met ‘n pretskietdag gekry.
Die doel van dié skietdag, wat deur die plaaslike Houtkappertak van die Suid-Afrikaanse Jagters en Wildbewaringsvereniging aangebied is, is om skiet as sport onder die jeug te bevorder.
Kinders so jonk as vier- en vyf- jaar het ook deelgeneem.
Die eerste drie skuts wat ‘n plek behaal het, het pryse ontvang.
Leerders van Laerskole Standerton, Secunda, Trichardt, Goedehoop en Kruinpark en Hoërskool Secunda het deelgeneem.
Veiligheid is baie belangrik en daarom moes elke skut die regte beskerming dra.
Die wenner in die windbuks-afdeling is Annika Le Roux van Laerskool Secunda, J. Kruger in die tweedeplek van Laerskool Secunda en derde, Janco Botha van Laerskool Trichardt.
In die .22 randslag-afdeling is E. Ellis van Hoërskool Secunda die wenner met I. Smith van Laerskool Goedehoop in die tweede plek en J. Kruger van Laerskool Secunda, derde.
