Standerton-hengelaars onoorwonne by ligakampioenskap
Sanet de Jonge van Secunda 1 het die swaarste geelvis (1.05kg) ingetrek en Hoffman die swaarste karp (2.175kg).
Standerton en Distrik Hengelklub het onlangs aan ‘n ligakompetisie by Grootdraaidam deelgeneem.
In die seniorafdeling het ses hengelaars per span meegeding en die spanne het bestaan uit Standerton Swart, Standerton Wit, Secunda 1, Secunda 2 en Ermelo, met André Ferreira van Secunda 1 wat individueel eerste geëindig het.
Francois Scheepers van Standerton Swart het die tweede plek behaal en Kurt Stroger ook van Standerton Swart die derde plek.
Standerton Swart het met die eerste plek weggestap, gevolg deur Secunda 2, Secunda 1 en Standerton Wit.
Scheepers het die swaarste karp (3.14kg) vasgekap en Tieg Barnard van Standerton Wit die swaarste geelvis (1.139kg).
In die meestersafdeling het vier hengelaars per span deelgeneem en die spanne het bestaan uit Standerton Blou, Standerton Groen, Secunda 1 en Secunda 2, met Carls van der Walt van Secunda 1 wat individueel in die eerste plek geëindig het
Johan Smit van Standerton Blou het die tweede plek behaal en Danie Prinsloo van Secunda 2 die derde plek.
Standerton Blou was eerste, gevolg deur Secunda 2, Secunda 1 en Standerton Groen.
Smit het die swaarste geelvis (1.405kg) aan wal gebring.
In die vroue-afdeling het vier hengelaars per span deelgeneem en die spanne het bestaan uit Standerton, Secunda 1 en Secunda 2 met Hannetjie Nortje van Standerton wat individueel eerste geëindig het.
Dalene Hoffman van Standerton was tweede en Elize Jansen van Nieuwenhuizen, ook van Standerton, derde.
Standerton was eerste, gevolg deur Secunda 1 en Secunda 2.
Sanet de Jonge van Secunda 1 het die swaarste geelvis (1.05kg) ingetrek en Hoffman die swaarste karp (2.175kg).
