Hoëveld se spelers neem deel aan interdistrikte rolbaltoernooi
Die mans het op die bane van die Secunda Sasolklub sake uitgespook terwyl die vroue die stryd in Ermelo gevoer het.
SECUNDA – Die Hoëveld-distrik het die naweek die mini-interdistrikte rolbaltoernooi aangebied.
Die mans het op die bane van die Secunda Sasolklub sake uitgespook, terwyl die vroue die stryd op Ermelo gevoer het.
Die mini-interdistrikte bestaan uit die spanne van die Laeveld, Hoëveld en Sentraal.
Secunda, Standerton en Ermelo se spelers is deel van die Hoëveld-span.
Sentraal het die mans ope-kompetisie met 26 punte gewen.
Hoëveld was tweede met 21 punte, Laeveld A was derde met 10 punte en Laeveld B was vierde met 10 punte.
Die veterane mans van Laeveld A het hul afdeling met 25 gewen. Sentraal was tweede met 22 punte, Hoëveld was derde met 13 punte en Laeveld B vierde met 12 punte.
Die vroue se ope-kompetisie is deur Laeveld A met 34 gewen. Sentraal was tweede met 19 punte, Hoëveld derde met 13 en Laeveld B vierde met ses punte.
Die vroue-veterane van Sentraal het hul afdeling met 27 punte gewen.
Laeveld B was tweede met 17 punte, Laeveld A het ook 17 punte aangeteken en derde geëindig en Hoëveld was vierde met 11 punte.
Elke distrik het vier spanne van vier spelers elk in elke afdeling gehad.
