Standerton val vas
Standerton is tot 170/8 in hul 20 beurte beperk en Sasol Legends het die wedstryd met 65 lopies gewen.
Die Premier T20- en Promosieligawedstryde is die afgelope Saterdag en Sondag by die krieketveld van Secunda Sasolklub beslis.
Standerton 1 het in die Premierliga meegeding en Standerton 2 en Standerton Cricket Academy in die Promosieliga.
Standerton 1 het teen Sasol 2 te staan gekom om ‘n plek in die halfeindstryd te verseker.
Standerton is vir 81 lopies uitgeboul met Sasol se Sam Radebe wat 5/11 in vier beurte aangeteken het en JP Austin 2/12.
In die Sondag-kragmeting se tweede wedstryd het Standerton Cricket Academy teen Sasol Legends meegeding en moes ‘n telling van 235/5 jaag.
Standerton is tot 170/8 in hul 20 beurte beperk en Sasol Legends het die wedstryd met 65 lopies gewen.
Sasol 4 Griffons het teen Standerton Cricket Academy gewedywer en Standerton het 186/8 in hul 20 beurte aangeteken.
Sasol het die telling in die 19de beurt bereik en die wedstryd met vier paaltjies beklink.
Standerton 2 sal teen Sasol op Saterdag 19 Oktober meeding.
Sasol 1 sal die Gert Sibande-halfeindstryd en eindstryd op Sondag 20 Oktober aanbied.
Die borge van die krieketspelers is bedank naamlik Mad Sport Clinic (MSC) vir die eerstespan en Clasics vir die tweedespan, terwyl Maximed die borg is vir Standerton Cricket Academy.
