Bethal Bears slaan hul kloue in ’n wen

BETHAL – Bethal Bears het Sondag, 3 November teen Sasol Bulldogs op Bethal gespeel.

Bears het die wedstryd met vyf paaltjies gewen.

Die Bulldogs het eerste ingegaan om te kolf en Bethal Bears het hulle vir 171 lopies uitgeboul.

Bethal se beste boulers is Dillon Pillay en Danie Coetzer.

Hulle het elk drie paaltjies laat kantel en Johan Stadler twee paaltjies.

Marnus van Brakel en Franco du Preez het Bears se kolfbeurt goed begin met ‘n openingsvennootskap van 60 lopies.

Du Preez het 45 lopies aangeteken en Bears se kaptein, Jean Greyling het 75 lopies nie uit nie, behaal.