Skuts wys hul slag by skietdag op Standerton
Frederick Maritz is as die beste mansskut aangewys, Elize van der Heever as beste vroueskut en Jaco Booysen (jr.) as beste juniorskut.
Die plaat voertuie by Höningvallei die afgelope naweek het die belangstelling in die ghongskietdag weerspieël toe 42 spanne van oor die land deelgeneem het.
Dié skietdag is allerweë bekend weens die natuurskoon en pryse wat gewen kan word.
Y-nots het in die eerste plek geëindig, gevolg deur Challengers en Overwatch.
Frederick Maritz is as die beste mansskut aangewys, Elize van der Heever as beste vroueskut en Jaco Booysen (jr.) as beste juniorskut.
Die pryse is moontlik gemaak deur Piet Breedt, AirPort Guns, National Cartridge, Aim, Wildcat Ammo, Bethal Foto Drukkers, Blazing Barrels, asook Pro Sport op Standerton.
René de Beer het ‘n Mauser M18 gewen, wat by Pro Sport aangekoop is, en Vink Venter die Chassi, wat deur AirPort Guns geborg is.
JC Schoeman, Stoffel Bester, Elri Bester, Jako Steenkamp en Carla Lues is vir hul hulp bedank, asook almal wat bereid was om as baanoffisiere op te tree.
