Standerton Rolbalklub bied ‘Champion of Champions’ aan

Standerton Rolbalklub het in gietende reën op Saterdag 5 Desember die ‘Champion of Champions’ aangebied en op Sondag in warm weer meegeding.

Spanne van Ermelo, Bethal, Secunda en Standerton het die eerste dag drie wedstryde gespeel.

Riaan Harris van Ermelo is as manskampioen gekroon, met Desmond Visser van Standerton wat tweede geëindig het.

Betsie Bornman van Secunda is as vrouekampioen aangekondig, met Alta Schneider van Ermelo wat tweede was.

Volgens Elrina Greaves, is geen tydsduur vasgestel om eerste 21 punte op die telbord te kry nie.

Die eerste en tweede spelers van elke klub het in die eerste ronde teen mekaar te staan gekom.