ERMELO – Sewe motorfietsryers van Ermelo het onlangs aan die Malalane Toyota Enduro Wedren in Malalane deelgeneem.

Die motorfietsryers se uithouvermoë is tydens dié moeilike klipbaan getoets.

Dié wedren het uit verskeie bane bestaan wat aangepas is vir beginners tot meer gevorderde motorfietsryers.

Lian van Niekerk het in die 50cc-klas deelgeneem, waartydens hy vier rondtes van 9km moes voltooi.

Van Niekerk het probleme met sy motorfiets se koppelaar ondervind en moes van die wedren onttrek.

Paul van Niekerk, Paulus van Niekerk en Stiaan van den Heever het meer gewaagd gevoel en in die gevorderde wedren ingeskryf.

Tydens dié wedren het hulle vier rondtes van 16km elk gery.

Trompie van den Heever, Jabbies Jacobsz en Willem Jacobsz het die “kick starter”-baan aangedurf en moes ses pienk rondes van 9km voltooi.

Maak seker om die volgende uitgawe van die Hoëvelder te lees vir al die uitslae van die wedren.