Dit gaan voor die wind by windbukksietoefening op Standerton
Amberley van Niewenhuisen het in die juniorafdeling kon spog met 98.
Die Edelvalk-tak van die Suid-Afrikaanse Jagters- en Wildbewaringsvereniging het op Donderdag 24 Februarie by die Standerton Skouterrein ’n windbuksskietoefening aangebied.
Juniors, seniors en penkoppe het na die tabelle aangelê.
Die volgende skuts het onder die eerste 10 geëindig:
Juandré du Plessis was onoorwonne in die seniorafdeling met ’n telling van 149, gevolg deur Iwan Lues en Carla Lues, albei met 143,9.
Jaco Potgieter het 143,8 punte behaal, terwyl Ivett van Rooyen 141 aangeteken het.
André Moolman het met 129 afgesluit, terwyl Jaco Loretz 128 en Jako Steenkamp 122 behaal het.
Riaan Rijsbergen het met 120 geëindig, gevolg deur JC Schoeman met 88.
Amberley van Niewenhuisen het in die juniorafdeling kon spog met 98, gevolg deur Vicky van der Westhuizen met 84 en Desere van Niewenhuizen met 73.
Herman Wessels het die penkopafdeling gewen nadat hy 136,7 aangeteken het, gevolg deur Anel Wessels met 136,4 en Xene Bezuidenhout met 128.
Petrus van der Westhuizen het 124 behaal, gevolg deur PW Hattingh met 123 en JG Wessels met 121.
JC Naudé het met 116 geëindig, terwyl Nicus Naudé 115 behaal het.
Ulrich-Zach van Niewenhuisen het 113 behaal en Muzzammil Cajee 111.
