Ruiter van Witpoort verwerf Gauteng-Noordkleure
Tydens die kampioenskap het Zanica in albei haar springklasse in vlak-3 vir die Gauteng-span, wat gedurende Oktober aan die Suid-Afrikaanse Kampioenskap gaan deelneem, gekwalifiseer.
Laerskool Witpoort-leerder, Zanica Grobler, het na afloop van die ‘The South African National Equestrian Schools Association’ (SANESA) se kernliga-seisoen haar Gauteng-Noordkleure verwerf.
Sy het verder ook vir die SANESA Tshwane A-span gekwalifiseer.
Die SANESA Tshwane A-span het op 30 en 31 Julie aan die Gauteng-eindkampioenskap deelgeneem.
Tydens die kampioenskap het Zanica in albei haar springklasse in vlak-3 vir die Gauteng-span, wat gedurende Oktober aan die Suid-Afrikaanse Kampioenskap gaan deelneem, gekwalifiseer.
Zanica en haar perd, CG Aquarelle, het ’n derde plek in die normale-kompetisieklas behaal.
Dié perd- en ruiter-span het ook ’n 10de plek in die A2-kompetisieklas behaal.
Bernice van Staden het namens Laerskool Witpoort en sy personeel vir Zanica baie geluk gewens met haar uitstekende prestasie.
“Ons is baie trots op jou.”
