Innocent Dhladhla seëvier by Bonus Bogey op Standerton

Innocent Dhladhla was op Saterdag 13 Augustus onoorwonne in ’n Bonus Bogey-kompetisie by die Standerton Buiteklub.

Dhladhla het met +3 geëindig, gevolg deur Herman Mynhardt, ook met +3.

Mark Vienings en Johan Griesel was onderskeidelik derde en vierde, gevolg deur Joré Nortjé en Wessel van der Merwe, albei met -1.

Stephen Nortjé, Willie Griesel, Tertius Brits, en Mark Nortjé het elk op -2 te staan gekom.

Mynhardt en Joré Nortjé het albei ’n spog-twee behaal.

Theuns Adendorff het eerste op Vrydag 12 Augustus geëindig nadat hy 18 punte aangeteken het.

Die Sundowner-kompetisie is in IPS-formaat beslis.

Nico Lombard en Herman Mynhardt het albei ook 18 punte behaal, terwyl Wikus Fourie 17 op die telkaart ingevul het.

JC Schambriel het 15 behaal, gevolg deur Francois Cronjé met 14.

Juan Nortjé en Adri Mynhardt het albei 12 behaal, terwyl Brandon Geyser 11 aangeteken het.