VLU lede leer en kuier
Die lede het onder meer geleer hoe om 'blooming onions' in 'n lugbraaier te maak.
Die Springs tak van die VLU het onlangs hul maandelikse vergadering gehou waartydens die lede onder meer ‘n interessante demonstrasie oor die gebruik van ‘n lugbraaier kon geniet.
Formaliteite is afgehandel en ‘n fondsinsamelingsprojek in die vorm van ‘n kleiduifskiet kompetisie is ook aangekondig.
Hierdie fondsinsameling is vir die VLU se kongres wat op 30 en 31 Augustus sal plaasvind.
Die kompetisie items wat lede vir Meimaand kon inskryf was: gebak (‘n mikrogolf sjokeladekoek), lekkers (klapperys), hekel of brei item (‘n mandjie), fotokompetisie tema (‘n ou gebou of murasie), die blommeranskikkings moes uit groente en vrugte bestaan, en die herwinningsitem was om blikke te herwin.
Lede skryf maandeliks items in volgens voorafbepaalde temas wat dan beoordeel word.
