Tennisspelers geniet Wimbledon-dag

Terwyl die vroue- en mansfinaal van Wimbledon die afgelope naweek afgehandel is het die Selection Park Tennisklub self in die gees gekom en Saterdag ‘n vriendskaplike kampioenskap, genaamd Wimbledon, aangebied.

Klublede het in wit, groen en pers opgedaag; gereed om mekaar die stryd aan te sê. Die lede was in spanne van twee opgedeel en op spesifieke bane geplaas.

Elke tennisbaan het verskillende reëls gehad wat die spelers moes nakom.

Die spelers het vir die pret gespeel en na afloop van die wedstryde was daar geen amptelike wenners aangekondig nie.