Faith Over Fear bied hoop en inspirasie tydens dames oggend
Faith Over Fear se dames oggend was Saterdag by die Hoërskool Hugenote aangebied.
Die nie-winsgewende organisasie, Faith Over Fear het Saterdagoggend ‘n inspirerende damesoggend by die Hoërskool Hugenote aangebied.
Die meesterbrein agter die organisasie, Lynette Celliers het haar storie van borskanker met die gaste gedeel. Die seremoniemeester, Bianca Birnie het die oggend afgeskop met skriflesing en gebed.
“Ek weet dat die Here ons elkeen hier met ‘n doel gesit het en dat ons vir ‘n rede hierdie oggend bywoon,” het Bianca gesê en toe vir Lynette aan die woord gestel.
Na Lynette se reis met borskanker het sy ‘n belofte aan haarself gemaak dat sy haar storie met ander vroue sal deel met die hoop om hulle te inspireer en te bemoedig.
Sy was in 2019 met indringende lobulêre karsinoom gediagnoseer en het inligting oor elke fase waardeur sy gegaan het, met die gaste gedeel.
Nadat sy oor haar reis met kanker gepraat het, het sy elke vrou aangemoedig om gereeld die dokter te besoek vir ‘n ondersoek, sodat moontlike probleme vroegtydig aangespreek kan word.
“Kanker het my geleer om elke dag wat ek opstaan te waardeer want môre is dalk nie vir my beskore nie.”
Sy het afgesluit met: “Kanker is net ‘n hoofstuk in jou lewe, nie jou hele storie nie.”
Na afloop van Lynette se verhaal, het die vroue heerlik geëet en ‘n paar wenke oor grimering en pruike ontvang.
ALSO READ: Sensei bereik nuwe mylpaal
ALSO READ: ‘Kota Queen’s’ road to recognition
