Springs bou momentum in Peregrine Liga ten spyte van nederlaag

Met die tweede ronde van die Valke Peregrine Liga wat sterk aan die gang is, was Springs Rugby Klub Saterdag die gasheer vir Vereeniging Rugbyklub.

Alhoewel Springs eerstes ná 80 minute aan die verloorkant was met ‘n telling van 39-20 in Vereeniging se guns, was dit steeds ‘n stap in die regte rigting.

“Ons kombinasies begin werk, en die spelers begin mekaar vind. Ons was met tye ons eie vyand met onnodige foute,” het die hoof afrigter Bruce Borman gesê.

Die tweede span het met 34-21 verloor en die o21s het verloor met 20-17.

Springs verwelkom Nigel Rugbyklub op 12 Julie. Die wedstryd beloof om ‘n goeie dag te wees, en ‘n oorwinning kan Springs in staat stel om ‘n plek in die halfeindronde te verseker.