Geduld Apteek in Springs het die afgelope naweek ‘n herbekendstelling gehad.

Kliente en besoekers kon sedert Vrydag spesiale aanbiedings geniet en ook aandoen by verskeie verskaffers wat stalletjies gehad het, maar die hoogtepunt van die vieringe was Saterdag.

Kunstenaars soos Jakkie Louw, Rocco van Schalkwyk en Alwyn Oberholster het die besoekers Saterdag vermaak, terwyl heerlike kos en meer spesiale aanbiedings die perfekte herbekendstelling voltooi het.

Die apteek beskik nou oor ‘n nuwe parkeerarea in 5de Straat en is steeds sewe dae ‘n week oop. ‘n Moderne interieur, vinnige professionele diens en ‘n afleweringsdiens wag op al die ou en nuwe kliente.