Die Springs-tak van die Vroue Landbou-Unie, naamlik die Carpe Diem-tak het onlangs hul maandelikse vergadering by die AGS Kerk Fonteinedal aangebied, waar tak- en konferensie-toekennings oorhandig is.

Taktoekennings is oorhandig vir artikels in kategorieë soos kuns, eetgoed en handvlyt, wat die vroue gedurende die vorige jaar vir beoordeling ingeskryf het.

Dit is as volg:
• Sankie Jordaan het die gebak afdeling gewen.
• Aletta Ras het die fotografie-trofee gewen.
• Die lid met die meeste inskrywings was Sankie.
• Marie Bouwer het die voorsitterstrofee ontvang.
• Sankie, Marie en Ria Pretorius het 100% bywoning sertifikate gekry.

By die jaarlikese konferensie, ‘n geleentheid waar vroue van regoor die streek kan meeding met hul artikels, het die volgende lede ook toekennings verwerf:
• Wilna Evans het eerste plek verwerf met haar skildery wat met koffie geverf is.
• Marie Bouwer het eerste plek verwerf met haar beginner breiwerk, ‘n paar vingerlose handskoene.
• Louise Nothnagel het ‘n tweede plek behaal in die beginner blomme afdeling.
• Aletta Ras was tweede in die beginner breiwerk afdeling, na Marie.
• Desire van Wyk was tweede met haar skryfkuns.
• Michelle Walters was derde met haar 10-steek breiwerk.
• Bettie Bezuidenhout, Sankie Jordaan en Mariette van der Merwe het elk ‘n plek behaal in, onderskeidelik, fotografie, skilderkuns en masjien-naaldwerk.

Sankie Jordaan het die konferensie se Staatmaker-trofee ontvang; dit is slegs die tweede keer in Carpe Diem se meer as 40 jaar se bestaan dat dié eer toegeken word.