Drie dansers van die Dance Directions Studio het op die MSC Opera bootrit aan die MSC Galaxy of the Ocean kompetisie, aangebied deur die Dance, Talent and Model Association (DTMA), deelgeneem.

Die kompetisie het van 16 tot 20 Maart plaasgevind en Esmari Conradie, Anwiné Daniels en Hope Bailey het die toekennings behoorlik ingeryg.

Esmari Conradie het tweede in die contemporary dansafdeling, tweede in karakterdans, twede in die ope met ‘n bhangra dans, en derde in die liriese dansafdeling gekry.

Sy het ook met “creative” ‘n oorhoofse trofee en vier maal internasionale kleure weggestap, en is een van 25 dansers wat gekies is om DTMA International se SA span in 2027 by Disney World deel te verteenwoordig.

Anwiné Daniels het eerste in beide disco en contemporary gekry, twee oorhoofse trofees vir junior disco en pre-junior contemporary, en ‘n spesiale toekenning vir beste beginner. Sy het ook haar internasionale kleure gekry.

Hope Bailey het ‘n spesiale toekenning gekry, tweede vir ChaCha met internasionale kleure, derde vir Jazz met internasionale kleure, 92% vir Hip-Hop met internasionale kleure, en is gekies vir die SA span wat Disney World toe gaan.

Die talentevolle dansers se afrigter, Mariska Wolmarans, is baie trots op haar dansers.