Brakpan en Springs Rugbyklub se eerste en tweede spanne het 18 April, op Bosmanstadion kragte gemeet met Brakpan wat in albei wedstryde duidelik die botoon gevoer het.

Die tweedes het in ’n vriendskaplike kragmeting gespeel, waar Brakpan van vroeg af die pas aangegee het en uiteindelik oortuigend met 55-14 gewen het.

Die eerstes het mekaar in die Presidentsbeker-halfeindstryd gepak, waar Brakpan ook sy stempel afgedruk het en Springs met ’n beslissende 75-14 geklop het.

In albei wedstryde het Brakpan eerste punte aangeteken deur drieë te druk en te verdoel. Hulle het ook sterk verdediging getoon en oorheersende balbesit gehandhaaf.