Sewestuks is reg om die agtbal te sink

Sewe van eMalahleni se beste potspelers berei voor vir die Suid-Afrikaanse agtbal-potspelkampioenskap.

Jacques Loock, Jannie Duvenage, Eric von Levetzow, Leon Jacobs en Kobus van der Schyff, Stan Marsberg en Colin Keyter gaan Mpumalanga verteenwoordig by die kampioenskap wat van 29 April tot 5 Mei in Vereeniging gaan plaasvind.

Stan en Colin speel in die meestersafdeling.

“Ons is almal van verskillende klubs en speel weekliks teen mekaar op formaat van die kampioenskap as deel van ons voorbereiding,” het Leon gesê.

Hy het gesê dit is ure se oefening en die span is baie opgewonde oor die naderende kompetisie. Kort op die hakke van dié kampioenskap volg die liga.