Helpende Hand se maatskaplike werkers loer in

Tydens die besoek aan Witbank-tak op Donderdag, 22 April is die dinkskrum-pette opgesit.

May 4, 2021

Zita Goldswain 1 minute read

Sonja le Roux, Chantelle Vorster, Bernie Maree, Jackie Potgieter en Mari Needham.

Solidariteit Helpende Hand se maatskaplike werkers het onlangs ’n blitsbesoek aan hul takke in die Mpumalanga en KwaZulu-Natal Noordstreek gedoen.

Dié streekbesoek was gekenmerk met lekker lag, insette, luister, meeleef en raadgee.

“Ons streek se hartklop is weer sterker hoorbaar,” het die streekvoorsitter me. Annemarie van Heerden gesê.

Tydens die besoek aan Solidariteit Helpende Hand Witbank op Donderdag, 22 April is die dinkskrum-pette opgesit en is daar projekte gedeel wat vir die nabye toekoms beplan is.

Dit was veral die volhoubare projekte soos die ‘Vol-sirkel-projek’ waar bejaardes die teikengroep is wat deur die maatskaplike werkers Christia Potgieter en Elmarie Erasmus Booysen as baie oorspronklik beskryf is.

Christia en Elmarie het eerstehands beleef dat dié tak nie ’n oomblik stilsit nie.

“Ons het soveel om terug te gee vir die gemeenskap. As jy wil inskakel is jy meer as welkom om by ons aan te sluit,” het me. Sonja le Roux die takvoorsitter gesê.

Volg gerus die tak se projekte op hul Facebook-blad.